ეს საქართველოა

საქართველოს სახელმწიფო ენის მასწავლებელთა ასოციაცია აცხადებს კონკურსს არაქართულენოვანი სკოლების/სექტორების საბაზო-საშუალო საფეხურის მოსწავლეთათვის თემაზე: „ეს საქართველოა“

კონკურსის პირობები:

კონკურსის პირობების თანახმად, მონაწილეებმა უნდა წარმოადგინონ საინფორმაციო ბუკლეტები;

ბუკლეტების თემატიკა უნდა უკავშირდებოდეს საქართველოს და ჩანდეს, როგორ გააცნობდნენ კონკურსანტები  საქართველოს უცხო ქვეყნებიდან ჩამოსულ სტუმრებს; ბუკლეტების გაფორმება შესაძლებელია მათივე გადაღებული სურათებით, რომლებსაც დაურთავენ მცირე ანოტაციას;

 კონკურსი ტარდება ერთ ეტაპად;

ბუკლეტის ბოლოს მითითებული უნდა იყოს ავტორის სახელი, გვარი, კლასი, სკოლის დასახელება და საკონტაქტო ინფორმაცია;

საქართველოს სახელმწიფო ენის ასოციაციის მიერ შექმნილი კომისია განიხილავს მიღებულ საკონკურსო ნამუშევრებს და გამოავლენს 3 გამარჯვებულს, რომლებიც დაჯილდოვდებიან წიგნის მაღაზიის  სასაჩუქრე ბარათებით. გარდა ამისა, ყველა მონაწილეს გადაეცემა სიგელები.

გაიცემა შემდეგი პრიზები:

პირველი ადგილი – 100 ლარიანი სასაჩუქრე ბარათი;

მეორე ადგილი –50 ლარიანი სასაჩუქრე ბარათი;

მესამე ადგილი – 20 ლარიანი სასაჩუქრე ბარათი.

საკონკურსო მასალის წარმოდგენის პირობები და ვადები:

სკოლების მიერ მათი მოსწავლეების ნამუშევრების წარმოდგენა -არაუგვიანეს 27 ოქტომბრისა;

კომისია გამარჯვებულ მოსწავლეებს გამოავლენს -არაუგვიანეს 2017 წლის 10 ნოემბრისა;

გამარჯვებული მოსწავლეების დაჯილდოება 2017 წლის 17 ნოემბერი.

ნამუშევრები უნდა გამოიგზავნოს მისამართზე: tagsl@teacher.ge 

ბუკლეტების შეფასების კრიტერიუმები:

·         ქართულ ენაზე საქართველოს ღირშესანიშნაობების გადმოცემის/აღწერის უნარი;

·         კულტურისა და ტრადიციების მიმართ საკუთარი პოზიციის დაფიქსირების უნარი;

·         მოქალაქეობრივი პოზიციის გამოხატვის უნარი.

კონკურსის ორგანიზტორია საქართველოს სახელმწიფო ენის მასწავლებელთა ასოციაცია ტელ: 577 37 64 64